Në Ditën Ndërkombëtare të Sindromës Down iute Albania tregoi përkushtimin e saj ndaj përgjegjësisë sociale duke ofruar mbështetje për organizatën Down Syndrome Albania.
Në mbështetje të kësaj kategorie me nevoja të veçanta, përtej donacionit të institucionit ndaj organizatës, vetë stafi i iute Albania bleu një sasi çorapesh nga Down Syndrome Albania, duke ofruar ndihmë financiare për nismat e vlefshme të organizatës.
Organizata Down Syndrome Albania luan një rol jetik në avokimin për të drejtat dhe përfshirjen e individëve me sindromën Down në shoqërinë shqiptare. Nëpërmjet programeve dhe aktiviteteve të ndryshme, organizata promovon ndërgjegjësimin, pranimin dhe mbështetjen për individët me sindromën Down dhe familjet e tyre.
Duke blerë çorape nga Down Syndrome Albania, iute jo vetëm që ofroi mbështetje financiare, por gjithashtu ndihmoi në rritjen e ndërgjegjësimit për rëndësinë e përfshirjes dhe mbështetjes për individët me sindromën Down. Kjo është arsyeja përse iute Albania fton cilindo institucion apo kompani të bëjë “një hap në çorapet e DSA”, për të rritur sensibilizimin ndaj kësaj kauze unike.
Përtej fuqizimit të individëve përmes shërbimeve financiare dhe edukimit, përfaqësuesit e kompanisë shprehen të përkushtuar për të mbështetur kauzat dhe komunitetet më të ndjeshme sociale.
Pse pagesat pa kontakt dhe kod QR do të zëvendësojnë POS-in tradicional?
Si zëvendësuan shqiptarët dyshekun për telefonin? Shfaqet dokumentari mbi paranë
Kur teknologjia zëvendëson sportelin. Një histori digjitale shqiptare.
