Në datat 3-4-5 Qershor, në Tiranë u zhvillua edicioni i XV-të i Konferencës Ndërkombëtare të Komisionerëve të Informimit dhe për iute, ishte një privilegj dhe kënaqësi të ishim sponsor zyrtar të këtij eventi.
Me shumë dëshirë, ishim pjesë e këtij eventi mjaft të rëndësishëm dhe domethënës, që nënvizoi edhe një herë, sfidat dhe mundësitë për zhvillim që vijnë së bashku me teknologjinë moderne e inteligjencën artificiale, që mund të ndryshojnë mundësinë për të patur akses të menjëhershëm në informacion dhe të dhënat publike, edhe pse kjo e fundit na paraqet sfida të tjera, si në fushën e mbrojtjes së të dhënave personale.
“E drejta për t’u informuar është gur themeli i demokracisë, transparenca, llogaridhënia, pjesëmarrja në vendimmarrje, lufta kundër korrupsionit, janë parime të cilat nuk mund të realizohen pa akses në informacion.” – ishin fjalët e komisionerit Z. Besnik Dervishi, që premtoi përkushtim të palëkundur për të nxitur transparencën e autoriteteve publike.
Më gjatë, Z. Dervishi rikujtoi edhe një herë se si sot, mbi 120 vende në botë kanë një kuadër ligjor që garanton aksesin në informacion, fakt i cili tregon se si komuniteti ynë është rritur përgjatë këtyre viteve dhe se shoqëria civile, media, bota akademike apo të gjithë aktorët që operojnë në këtë fushë, luajnë një rol thelbësor në promovimin e transparencës me kontributin e vazhdueshëm të tyre.
Ky event i zhvilluar në Tiranë, është një sinjal i zhvillimit të kuadrit ligjor që do të përmirësojë transparencën, aksesin në informacione dhe shërbimet për qytetarët e Shqipërisë, dhe për iute ky është një lajm më se i mirë.
iute Group krijon iute Affinity për të ofruar zgjidhje mbi sigurimet
Dita Ndërkombëtare e Privatësisë së të Dhënave: iute ofron siguri maksimale për klientët e saj
iute Group merr miratimin rregullator në Ukrainë: e ardhmja është si bankë dixhitale
