iutech dhe Java Globale e Sipërmarrjes: Një mundësi fantastike për digjitalizimin dhe fintech

Nga data 18 deri në 24 nëntor, Tirana përjetoi Javën Globale të Sipërmarrjes, një event i shkëlqyer kushtuar sipërmarrjes, inovacionit dhe teknologjisë, organizuar nga organizata Start-Up Albania, me mbështetjen e Ministrit të Shtetit për Sipërmarrjen dhe Klimën e Biznesit. Gjatë kësaj jave, iute Albania riktheu edhe një herë platformën e diskutimit “iutech”, për të ndarë përvojën e saj fintech me publikun dhe për t’i sjellë vlerë të shtuar këtij eventi. Përfaqësuesit e iute ishin të pranishëm në 8 momentet kyçe të këtij eventi, duke nënvizuar edhe një herë rëndësinë e zhvillimeve teknologjike dhe duke përfaqësuar me krenari përsosmërinë e teknologjisë estoneze që qëndron pas markës sonë.

CEO i iute, z. Akan Ajdini, mbajti fjalën e hapjes së Javës Globale të Sipërmarrjes dhe ishte gjithashtu i pranishëm në panelin më të rëndësishëm të organizuar nga Banka Botërore me titull “Inovacioni Financiar për Rritjen e Sipërmarrjes”, ku foli për digjitalizimin e strukturave, integrimin e platformave të të dhënave me databazat e të dhënave publike por edhe për pagesat digjitale. Dhe duke folur për pagesat dixhitale: në këtë panel u dha lajmi fantastik se Shqipëria tashmë është pjesë e SEPA (Single Euro Payments Area).

Gjithashtu, CEO e iutePay, znj. Fatbardha Rino, u angazhua në 2 panele të ndryshme: njëri iu kushtua transformimit digjital dhe tregtisë elektronike, organizuar nga UN Women, me fokus zhvillimin e grave sipërmarrëse dhe qasjet e reja ndaj teknologjisë; tjetri ishte një panel i veçantë ku morën pjesë të gjitha kompanitë fintech në Shqipëri, një event i organizuar nga “Balkan Fintech Association”, ku u fol shumë për bashkëpunimin fintech në shkallë rajonale.

I ftuar special i iutech ishte eksperti Martin Ruubel. Së bashku me CTO-n e iute, znj. Jonida Çela, dhe dy përfaqësues të Amazon Web Services, Ruubel ishte pjesë e dy paneleve të diskutimit kushtuar zhvillimeve teknologjike, ku folën për sigurinë kibernetike që qëndron pas disa prej industrive më të rëndësishme, përfshirë fintech. Martin ndau me publikun shqiptar gjithë eksperiencën e tij të jashtëzakonshme, duke folur për disa nga praktikat më të mira nga shoqëria digjitale në Estoni apo nga vende të tjera të zhvilluara.

Kjo javë fantastike që lamë pas ishte mënyra më e mirë për t’i kujtuar publikut shqiptar pozicionimin e iutes në treg si një fintech, duke nënvizuar rëndësinë e zhvillimeve teknologjike dhe inovacioneve në digjitalizim.