Nëse flasim për frymën e sipërmarrjes dhe inovacionin, iute do të jetë gjithmonë aty. Këtë herë ne ishim sponsorë zyrtarë të eventit “Get In The Ring Albania”, pjesë e strukturës zyrtare të “Get In The Ring Global”, me qendër në Holandë.
GITR është një koncept që sjell në skenë sipërmarrësit që duan të prezantojnë kompaninë e tyre në formatin “start-up”, për të kërkuar mentorim, mbështetje financiare dhe promovim të të gjitha llojeve. Në një “ring”, sipërmarrës të ndryshëm, pavarësisht moshës, gjinisë apo prejardhjes kulturore, u përballen dhe sfiduan njëri-tjetrin, duke treguar cilësitë dhe karakteristikat e ideve të tyre të biznesit. Vlerësimi u bë nga juria, duke gjykuar për: prezantimin fillestar, ekipin, arritjet, modelin e biznesit dhe thirrjen për veprim.
E gjeni dot kush ishte pjesë e jurisë në këtë event? Po ashtu është, ishte CEO i iute, Z. Akan Ajdini, i cili si gjithmonë me karizmën e tij u përcolli mesazhe të rëndësishme konkurrentëve, duke i ftuar ata të punojnë, të përmirësohen dhe të luftojnë për të arritur ëndrrat e tyre.
Fituesi ishte një surprizë: vetëm 17 vjeç, Geart Ferhati me projektin Swaper, një ide inovative që bashkoi teknologjinë AI me studimin dhe të mësuarit.
iute në mbështetje të talentit të ri shqiptar, Loris Qose
Gratë e forta zgjedhin financat digjitale për të ndërtuar pavarësinë e tyre financiare
Rinovimi i shtëpisë: si mund të përmirësosh hapësirën tënde?
