Në datën 18 Maj, në stadiumin Elbasan Arena, u zhvillua Kupa e Republikës në Atletikë për vitin 2024 dhe iute ishte përsëri aty në mbështetje të sportit dhe mirëqënies. Një ditë e gjatë e mbushur me plotë garë, sfida dhe emocion, që nxori në pah edhe një herë, sportistë më të mirë dhe më të përgatitur të vendit.
Qindra atletë sfiduan njëri-tjetrin në disiplina të ndryshme sipas baterive të përcaktuara për meshkuj dhe femra në: hedhje e shtizës, hedhje e gjyles, hedhje e diskut, kërcim së larti, kërcim së gjati, gara të shpejtësisë për 100, 200 dhe 400 metra, gara të rezistencës për 1500, 3000 dhe 5000 metra apo edhe stafeta. Ekipet më të dalluara në këtë kompeticon ishin klubet sportive të Tiranës, Partizanit, Vllaznisë dhe Skërnderbeut.
Edhe një herë tjetër, atletja më e spikatur e eventit ishte kampionia jonë Luiza Gega, imazhi i markës sonë dhe simbol i punës, sakrificës e pasionit. Për të disatin vit radhazi, Luiza arrin të thyejë rekordet që po ajo vetë ka vendosur dikur. Këtë të shtunë, kampiona e Europës garoi në disiplinat 1500 metra dhe 5000 metra, me kohët 4:15:01 dhe 16:20:04, duke dhënë edhe një herë një shembull ideal të profesionializmit për brezat e rinj.
Ashtu si në sport, edhe në biznes shpeshherë logjika mbetet e njëjtë: duhet çdo ditë të bëhesh më i mirë për të arritur objektivat, e ashtu si Luiza, edhe iute përpiqet çdo ditë të ofrojë shërbime më të mira për klientët e saj.
iute Group krijon iute Affinity për të ofruar zgjidhje mbi sigurimet
Dita Ndërkombëtare e Privatësisë së të Dhënave: iute ofron siguri maksimale për klientët e saj
iute Group merr miratimin rregullator në Ukrainë: e ardhmja është si bankë dixhitale
