Bli tani, paguaj më vonë… tashmë edhe në Prestige Home!

Koncepti “Bli tani, paguaj më vonë”, prej vitesh është në qendër të vëmendjes, si një trend botëror që po pëlqehet dhe përdoret gjithmonë e më shumë nga popullata botërore. Ajo çfarë e diferencon këtë metodë pagese është fleksibiliteti në pagesa dhe mundësia për t’u kujdesur për financat personale, duke bërë blerje të zgjuara.

iute është institucioni që ka prezantuar këtë koncept në tregun lokal në Shqipëri: në fillim si një praktikë e mirënjohur në tregun e telefonisë dhe të pajisjeve elektronike, më pas në industrinë e pajisjeve elektroshtëpiake, e tashmë edhe në industrinë e mobiljeve apo siç mund ta quajmë ndryshe, sektori i “rinovimit të shtëpisë”.

Qendra tregtare “Prestige Home” është emri i madh i radhës që i bashkohet partneritetit me iute për të ofruar blerjet me këste si një metodë alternative pagese. Në këtë mënyrë, të gjithë klientët që kanë dëshirë të rinovojnë shtëpinë e tyre, mund të blejnë produktet që dëshirojnë, pa u shqetësuar për buxhetin e tyre: me 4 këste dhe 0% interes ose 0 kosto shtesë.

Nga dekori te mobiljet, nga ndriçimi te elementët thelbësorë të kuzhinës, një përzgjedhje e kuruar e markave në “Prestige Home”, ofron gjithçka që klientit i nevojitet për të përmirësuar hapësirën e tij të jetesës. Klienti mund të zgjedhë mes emrave si GoTech, Electromagic, Comodita, Casal, Pierre Cardin Home, Sezon Dekor, Zebrano, Vivida, Inner Home, Murani, Nill’s e shumë të tjera, gjithmonë duke ruajtuar balancën e financave personale falë blerjeve me Smart 0%.