Rama: Të evitojmë cash-in, shembull inovacioni në fintech.

Në një takim të jashtëzakonshëm të mbledhur në Shtëpinë e Biznesit më 31 janar 2024, Kryeministri Edi Rama theksoi rëndësinë e jashtëzakonshme të inovacionit, veçanërisht brenda sektorit financiar, për ta çuar Shqipërinë drejt një të ardhmeje më të mirë. Takimi, ku morën pjesë aktorë kryesorë, duke përfshirë drejtues të lartë nga bankat e nivelit të dytë, institucionet e parasë elektronike dhe teknologjisë financiare, AKSHI, AKCESK, dhe Guvernatori i Bankës së Shqipërisë, nënvizoi rolin që kanë kompanitë fintech për të ofruar zgjidhje teknologjike. Të pranishëm në takim ishin edhe Drejtori Ekzekutiv i iute Albania, Z. Akan Ajdini dhe Drejtorja Ekzekutive e iutePay Znj. Stela Shkodrani, të cilët ndanë me të pranishmit modelin e tyre, si një rast ku teknologjia, digjitalizimi dhe inteligjenca artificiale kanë lehtësuar përvojën e klientëve me paranë.

Kryeministri Rama njohu rëndësinë e kombinimit të këtyre elementeve teknologjike dhe bëri thirrje për zbatimin e shpejtë të protokollit të Bankës së Hapur nga bankat e nivelit të dytë, duke theksuar urgjencën e përqafimit të teknologjive transformuese për të nxitur gjithëpërfshirjen dhe efikasitetin financiar.

Iute Albania ka advokuar vazhdimisht për transformime digjitale dhe për përfshirjen financiare të të gjitha komuniteteve, si një mundësi për t’i dhënë mjete të reja financiare shtresave të përjashtuara nga sistemi bankar, duke krijuar opsione të reja për zhvillim personal.

Gjatë takimit,  Qeveria Shqiptare materializoi vullnetin e tyre për të adresuar nevojat urgjente të subjekteve të teknologjisë fintech, duke përfshirë njohjen e fintech si një kanal zyrtar pagesash nga Tatimet, riorganizimin e projekteve integruese me subjektet e shërbimeve komunale dhe pagesat e thesarit. Ky proces do të udhëhiqet nga Ministri Ibrahimaj dhe një grup pune i dedikuar.

Në një deklaratë të përbashkët, pjesëmarrësit rikonfirmuan angazhimin e tyre kolektiv për digjitalizimin e mëtejshëm të përvojës financiare në Shqipëri, ku iute Albania ofron përvojë të prekshme nga praktikat më të mira lokale dhe estoneze, për të fuqizuar individët dhe bizneset shqiptare në një ekonomi gjithnjë e më dixhitale ndërkombëtare.