Si mund të ndikojë teknologjia AI në FinTech? iute, pjesë e eventit Tirana Tech Meet Up nga Startup Albania

Si pjesë e industrisë FinTech, nuk mund të lëmë jashtë vëmendjes sonë, të gjitha eventet e dedikuara ndaj teknologjisë, ndaj këtë javë, iute ishte pjesë e eventit Tirana Tech Meet Up, e organizuar nga Startup Albania. iute zgjodhi të jetë sponsor zyrtar i një eventi që i dedikohej teknologjisë AI dhe zhvillimeve të fundit në tregun global. Por si mund të ndikojë teknologjia AI në industrinë FinTech?

Kjo pyetje iu drejtua profesorit shqiptar Visar Berishës, ekspert i komercializmit dhe pedagog pranë Arizona State University. Berisha cilësoi rëndësinë e zhvillimeve teknologjike në industrinë Fintech dhe mbi të gjitha, rëndësinë e eventeve të tilla në Tiranë, në dobi të komunitetit të biznesit në vend. “Mendoj se ka shumë potencial që AI të fuqizojë klientët individualë për të marrë vendime më të mira finaniare dhe për të zhvilluar mjete të reja FinTech, vendime mbi mënyrën e shpenzimit të parave, vendime se ku dhe si të kërkojnë financim. Evente si Tirana Tech Meet Up, janë shumë të rëndësishme për të fuqizuar zhvilluesit dhe inovatorët individualë për të shfrytëzuar AI dhe mbi të gjitha, për të zhvilluar produkte të reja nga të cilat mund të përfitojë i gjithë rajoni. Në Ballkan ka shumë potencial për të zhvilluar mjete dhe koncepte AI.”

Në këtë event, ishin pjesëmarrës qindra profesionistë të rinj të industrive të ndryshme, që kanë dëshirë të dëgjojnë dhe mësojnë më shumë mbi zhvillimet teknologjike në tregun global. Për iute, ishte një kënaqësi, të ishte sponsor zyrtar i një eventi që i dedikohet teknologjisë, zhvillimit dhe inovacionit dhe që hedh dritë mbi të ardhmen e ndritur.