Po, e lexuat mirë! Ngjarja më e madhe sportive në botë po vjen dhe iute do të jetë aty!
Për të shmangur keqkuptimet, në ekipin tonë kemi shumë ekspertë të industrisë fintech dhe asnjë sportist. Por mos harroni se personi që është fytyra e markës sonë quhet Luiza Gega dhe është kampione e Europës në atletikë.
Lojërat Olimpike janë një histori suksesi dhe pasioni, që bashkon vendet dhe popujt përmes sportit. Ekipi i Marketingut në iute, prej ditësh po punon për një fushatë që në shqip titullohet #NukVraponiKurrëVetëm ose #YouNeverRunAlone dhe në fokus është legjenda shqiptare e atletikës, super kampionia Luiza. Në këtë fushatë do të tregohet rrugëtimi i një sportisteje elitare, përgatitjet që bën në ditët e fundit para se të udhëtojë drejt Parisit, duke stërvitur trupin dhe mendjen e saj për të qenë në formën më të mirë.
Lojërat Olimpike nisin më 26 korrik dhe përfundojnë më 11 gusht dhe do të na japin shumë emocione. Objektivi i kësaj fushate është të mbështesë Luizën dhe kombëtaren shqiptare në Lojërat Olimpike në Paris, duke inkurajuar mbështetjen e qytetarëve për sportin dhe mirëqenien, vlera të përbashkëta që iute i ka dhe i komunikon çdo ditë.
5 pyetje që duhet t’i bësh vetes para se të marrësh kredi!
Firmos me Klik, Shqipëria integrohet me Europën përmes firmës digjitale
Pse pagesat pa kontakt dhe kod QR do të zëvendësojnë POS-in tradicional?
