Iute vjen me një nismë të re që synon të mbështesë dixhitalizimin e jetimoreve në të gjithë vendin. Nëpërmjet këtij programi, iute do të dhurojë pajisje teknologjike thelbësore për shtëpitë e fëmijës, duke i ndihmuar ato të rrisin aksesin në teknologji dhe të nxisin arsimimin dixhital tek fëmijët.
Dhurimi i parë i këtij viti iu bë jetimores në Shkodër, ku u siguruan disa kompjuterë për të pajisur institucionin me mjetet e nevojshme për të qëndruar i lidhur dhe për të përqafuar botën dixhitale. Programi pritet të zgjerohet në më shumë jetimore në të gjithë Shqipërinë në të ardhmen e afërt.
“Në iute, ne besojmë se teknologjia duhet të jetë e aksesueshme për të gjithë, dhe kjo përfshin fëmijët në institucione si jetimoret,” – tha Akan Ajdini, Drejtor Ekzekutiv i iute. “Qëllimi ynë është t’i fuqizojmë këta fëmijë duke u dhënë burimet që u nevojiten për të mësuar, për t’u rritur dhe për të qenë pjesë e epokës dixhitale.”
Kjo iniciativë pasqyron angazhimin e iute për t’i rikthyer komunitetit dhe për të ndihmuar në ndërtimin e një të ardhmeje të mundësuar nga teknologjia për të gjithë.
iute në mbështetje të talentit të ri shqiptar, Loris Qose
Gratë e forta zgjedhin financat digjitale për të ndërtuar pavarësinë e tyre financiare
Rinovimi i shtëpisë: si mund të përmirësosh hapësirën tënde?
