Tirana International Fair dhe marrëdhëniet B2B: super bashkëpunimi mes iute dhe Digicom!

iute ishte prezent edhe një herë, në një nga panairet më të rëndësishëm të dedikuar për marrëdhëniet B2B (Business to business) në Tirana International Fair nga Klik Ekspo Group. Në këtë panair, merrnin pjesë disa nga emrat më të spikatur të industrive të ndryshme dhe përfaqësuesit e secilës kompani, patën mundësinë për të ndërtuar marrëdhënie të reja bashkëpunimi.

Në stendë #fintech të iute, u zhvillua një takim, sa i papritur, edhe shumë frymëzues, mes përfaqësuesve të Departamentit të Shitjeve në iute dhe përfaqësuesve të Departamentit Marketing në Digicom. Esjona Guri, Drejtore e Departamentit Marketing në Digicom, theksoi edhe një herë bashkëpunimin e shkëlqyer mes një prej kompanive lider në industrinë #fintech dhe një prej kompanive më të rëndësishme të ofrimit të shërbimit të internetit.

Këtë vit, iute ka sjellë shumë zhvillime të reja në industrinë e pagesave të shpejta digjitale dhe bashkë me zhvillimet vijnë edhe shumë oferta. Një ndër to, është oferta e përbashkët me Digicom: të gjithë ata që zgjedhin të paguajnë faturën e internetit në Digicom nëpërmjet aplikacionit Myiute, marrin 800 lekë cashback në llogarinë e tyre në portofolin digjital. Në këtë mënyrë, klientët e iute dhe Digicom, jo vetëm që arrijnë të kryejnë pagesën nga kudo ndodhen, edhe nga rehatia e divanit të shtëpisë, por gjithashtu arrijnë të kursejnë disa para dhe të kenë kredit në llogarinë e tyre në Myiute, që mund ta përdorin për të kryer pagesa të tjera në qindra biznese partnere të iute si restorante, lokale, supermarkete, etj.

Një bashkëpunim i shkëlqyer i drejtuar nga teknologjia, që sjell vetëm benefite për qytetarët shqiptarë dhe sidomos për ata që besojnë në fuqinë e #fintech dhe në të ardhmen e teknologjisë në financa.