iute Group krijon iute Affinity për të ofruar zgjidhje mbi sigurimet

iute Group, një grup bankar dixhital që operon në Evropën Juglindore, ka themeluar një filial të ri për shërbime sigurimi dhe menaxhim operacional, iute Affinity, me qëllim forcimin e mbrojtjes si një shtyllë kyçe brenda ekosistemit të tij të përditshëm të bankingut digjital. Alma Ribanoviç është emëruar CEO e iute Affinity.

Allar Niinepuu, Drejtori i Departamentit Komercial dhe bashkëthemelues i iute Group, u shpreh se me krijimin e iute Affinity, shërbimet e sigurimit do të integrohen drejtpërdrejt në shërbimet e iute, duke e bërë përdorimin e tyre nga klientët, më të lehtë dhe më të thjeshtë. “iute Affinity është krijuar për të ofruar zgjidhje plotësisht dixhitale dhe të personalizuara për sigurimet, përmes super-aplikacionit Myiute, për klientët tanë dhe ata të partnerëve tanë, nëpërmjet partneriteteve të drejtpërdrejta me sigurues dhe ofrues shërbimesh që janë liderë globalë, si Allianz Partners, UNIQA dhe MediGuide,” tha ai.

Niinepuu shpjegoi se, megjithëse iute ka vepruar si ndërmjetës sigurimesh gjatë viteve të fundit, sjellja e kompetencave të sigurimeve në grup, mbështet edhe më shumë planet ambicioze të kompanisë drejt shndërrimit në një bankë dixhitale.

iute Affinity, si një degë e zgjidhjeve të sigurimeve dhe infrastrukturës operative, nuk vepron si sigurues. Në vend të kësaj, ajo ndihmon në integrimin e sigurimit direkt në shërbimet e iute, në mënyrë që klientët të mund të marrin sigurim të integruar pa probleme, që mbulon jetën, shëndetin, asetet dhe stilin e jetës. Me Iute Affinity, klientët nuk kanë më nevojë të bashkëveprojnë me ofruesit e jashtëm, pasi kërkesat dhe mbështetja menaxhohen brenda ekosistemit iute, duke rezultuar në zgjidhje më të shpejtë të kërkesave, komunikim më të qartë dhe një besim të qëndrueshëm në markë.

iute Affinity do të drejtohet nga Alma Ribanoviç, e cila sjell më shumë se 20 vjet përvojë në bankë, sigurime dhe zhvillimin e partneriteteve strategjike, me një fokus të fortë në “affinity”, sigurimin bankar dhe zgjidhjet e integruara të sigurimeve.

“Njerëzit nuk e shohin sigurimin si një produkt të pavarur që qëndron vetëm. Në vend të kësaj, ata mendojnë në terma të momenteve të përditshme – pagesa, udhëtime ose blerje – dhe thjesht duan që gjithçka të funksionojë pa probleme, pa stres”, tha Ribanoviç. “iute Affinity ndihmon që mbrojtja të jetë një pjesë natyrale e atyre momenteve, e integruar në udhëtimin dixhital, në vend që të shtohet më vonë si produkt apo shërbim”, shtoi ajo.

iute Affinity do të operojë si një pjesë e integruar e iute Group, duke bashkëpunuar ngushtë me ekipet e saj komerciale, teknologjike, të riskut dhe të pajtueshmërisë. Kjo siguron që zgjidhjet e sigurimeve të ndjekin të njëjtat standarde të transparencës, disiplinës dhe fokusit ndaj klientit, si shërbimet kryesore financiare dixhitale të iute.

Në fazën e parë, iute Affinity do të mbështesë tregjet ekzistuese të iute Group, duke bashkëpunuar me ofruesit ndërkombëtarë të sigurimeve dhe shërbimeve. Për të përshpejtuar inovacionin, iute Affinity do të bashkëpunojë me teknologji të dedikuara të sigurimeve, që sjellin aftësi të specializuara si sigurimi dixhital, automatizimi i kërkesave, zbulimi i mashtrimeve dhe analiza e të dhënave.

Sipas Ribanoviç, vizioni afatgjatë për iute Affinity është të bëhet një platformë kryesore e zgjidhjeve të sigurimeve që mbështet jo vetëm iute, por edhe ekosisteme të tjera dixhitale. “Përtej lojtarëve tradicionalë të sigurimeve, ne jemi të hapur për të punuar me një gamë të gjerë partnerësh strategjikë kudo ku modelet B2B2C kanë kuptim. Kjo përfshin platforma, ofrues shërbimesh, prodhues, tregje dhe lojtarë të tjerë të ekosistemit që duan të përfshijnë sigurimin ose mbrojtjen në udhëtimet e tyre të klientëve”, shpjegoi ajo.

Ribanoviç vuri në dukje gjithashtu se iute Affinity planifikon të vazhdojë të zgjerojë portofolin e produkteve të saj. “Produkti kryesor do të jetë një produkt sigurimi për udhëtimin, i bazuar në abonim, me shërbime të shtuara shëndetësore”, tha CEO e iute Affinity. Ajo shtoi se paralelisht, iute Affinity do të zhvillojë një ofertë të re sigurimi për mbrojtjen e pagesave për iute në Moldavi dhe Bullgari.

iute Group është një grup bankar dixhital i fokusuar në shërbimet e përditshme financiare në Evropën Juglindore. E themeluar në vitin 2008 dhe me seli në Estoni, iute u shërben klientëve në Shqipëri, Bullgari, Moldavi, Maqedoninë e Veriut dhe Ukrainë. Përmes aplikacionit Myiute dhe operacioneve të tij lokale, iute ofron shërbime financiare dixhitale duke përfshirë pagesat, banking, financimin dhe ndërmjetësimin në sigurime. Grupi iute financon operacionet e tij përmes kapitalit, depozitave dhe obligacioneve të siguruara të listuara në Tregun e Rregulluar të Bursës së Frankfurtit dhe Listën Kryesore të Nasdaq Baltic.